ရွာသားကို သူလျှိူဟု စွပ်စွဲကာ ဖမ်းဆီးနှိပ်စက်

အောက်တိုဘာလ ၁၈ရက်။ နော်ဆဲကလယ် (ကေအိုင်စီ)

သျှမ်းပြည်နယ်၊ မူဆယ်မြို့နယ် မုန်းပေါ်ရွာအနီး မန်ဂွတ်ရွာ၌ စစ်စိမ်းရောင်ခါးပတ် ပတ်ထားသော ရွာသားတစ်ဦးအား သူလျှိုဟု စွပ်စွဲကာ ခမရ(၅၂၂)မှ ကွတ်ခိုင်ဗျူဟာမှူး ဗိုလ်မှူးကြီးစောကျော်သူ၏ လက်အောက်ခံ တပ်သားများက ယမန်နေ့မနက် ၈နာရီတွင် ဖမ်းဆီးခေါ်ဆောင်သွားခဲ့သည်။

ကိုယ်တိုင်မြင်တွေ့ခဲ့သူ ရွာသားတစ်ဦးက “နှစ်ယောက်ကို ကြိုးတုတ်ဖမ်းတာဗျ။ တစ်ယောက်က သူ့ဖာသာ အိမ်ထဲနေနေတာ။ တစ်ယောက်ကတော့ စစ်စိမ်းရောင်ခါးပတ်ကို ပတ်ထားလို့ သူလျှိုလို့ ပြောပြီးဖမ်းတာ။ နှစ်ယောက်စလုံးက အိမ်ထောင်သည် ကလေးအဖေတွေပါ။”ဟု ကေအိုင်စီသို့ ပြောသည်။

အဆိုပါ ခမရ(၅၂၂)တပ်ရင်းရှိ တပ်ဖွဲ့ဝင် ၁၂၀ဦးမှာ ရွာတွင်းသို့ တပ်သား ၆၀စီ နှစ်ဖွဲ့ခွဲကာ ၀င်ရောက်လာပြီး ၎င်းရွာသားနှစ်ဦး ကို ရှေ့တန်းစစ်မြေပြင် မုန်းကိုးဒေသဘက်သို့ ခေါ်ဆောင်သွားကြောင်းလည်း ထိုရွာသားက ဆက်လက် ပြောသည်။

ထို့အပြင် ရွာသား ၄ဦးကိုလည်း စစ်ကြောင်းနှင့်အတူ ပေါ်တာအဖြစ် ခေါ်ဆောင်သွားခဲ့သည့်အပြင် ရွာတွင်းရှိ အိမ်မွေးတိရိစ္ဆာန် ကြက်၊ ၀က်နှင့် အမျိုးသမီးထဘီများကိုပါ ယူဆောင်သွားကြောင်းလည်း ဒေသခံတစ်ဦးက ဆိုသည်။

မစုစုနွေး ပြောပြတဲ့ ထောင်တွင်းအတွေ့အကြုံများ(ရုပ်/သံ) 

မြန်မာအပေါ် ပိတ်ဆို့မှုတွေ ဗြိတိန် ရုပ်သိမ်းဦးမည်မဟုတ်

မြန်မာအပေါ် ပိတ်ဆို့မှုတွေ ဗြိတိန် ရုပ်သိမ်းဦးမည်မဟုတ်

တနင်္လာ, 17 အောက်တိုဘာ 2011,

မကြာခင်က မြန်မာနိုင်ငံမှာ အကျဉ်းသား ၆ ထောင်ကျော်ကို လွတ်ငြိမ်း ချမ်းသာခွင့်နဲ့ ပြန်လွှတ်ပေးတဲ့ နေရာမှာ မဆိုစလောက် နိုင်ငံရေး အကျဉ်းသားတွေ ပါဝင်ခဲ့တဲ့အပြင် တခြား သိသာ ထင်ရှားတဲ့ ပြုပြင် ပြောင်းလဲမှုတွေ မရှိသေးတဲ့အတွက် မြန်မာနိုင်ငံအပေါ် ပိတ်ဆို့ အရေးယူ ထားတာတွေကို ဖြေလျှော့ပေးဖို့ အစီအစဉ် မရှိတဲ့အကြောင်းနဲ့ ပြန်လည် သုံးသပ်တာမျိုးတောင် မလုပ်ပါဘူးလို့ ဗြိတိသျှအစိုးရက အာမခံ ပြောဆို လိုက်ပါတယ်။ ဗြိတိသျှ အစိုးရဘက်က တင်းခံထားသ၍ ဥရောပသမဂ္ဂ (EU) အနေနဲ့လည်း မြန်မာနိုင်ငံအပေါ် အရေးယူပိတ်ဆို့ ထားတာတွေကို ရုပ်သိမ်းဖို့ဆိုတာ မဖြစ်နိုင်တဲ့အကြောင်း မြန်မာ့အရေး လှုပ်ရှားနေတဲ့ Burma Campaign UK က ပြောပါတယ်။ ဒီအကြောင်းကို ဦးစံမိုးဝေက ဆက်သွယ် မေးမြန်းထားပါတယ်။

ပြီးခဲ့တဲ့ သီတင်းပတ် မြန်မာနိုင်ငံမှာ အကျဉ်းသားတွေ ပြန်လွှတ် ပေးပြီးတဲ့နောက် ဗြိတိသျှ ပါလီမန် အထက်လွှတ်တော်မှာ မြန်မာနိုင်ငံအကြောင်း ဆွေးနွေး ပြောဆိုတာတွေ ရှိခဲ့တယ်လို့ သိရပါတယ်။

အဲဒီလိုဆွေးနွေးတဲ့ နေရာမှာ ဗြိတိသျှအစိုးရ ကိုယ်စား တက်ရောက် စကားပြောတဲ့ ၀န်ကြီးက မြန်မာနိုင်ငံ ကိစ္စနဲ့ ပတ်သက်ပြီး ထွက်ဆို ပြောကြားခဲ့တဲ့ အကြောင်းကို မြန်မာ့အရေး လှုပ်ရှားနေတဲ့ Burma Campaign UK အဖွဲ့ရဲ့ ဒါရိုက်တာ မာ့ခ် ဖာမနာ (Mark Farmanar) က အခုလို ရှင်းပြပါတယ်။

“ဗြိတိသျှပါလီမန် အထက်လွှတ်တော်မှာ အစိုးရရဲ့ကိုယ်စား တက်ရောက် စကားပြောခဲ့တဲ့ ၀န်ကြီးက တရားဝင်ထုတ်ဖေါ် ပြောဆိုရာမှာ အစိုးရအနေနဲ့ မြန်မာနိုင်ငံအပေါ် ဒဏ်ခတ်အရေးယူ ပိတ်ဆို့ထားမှုကို ပြန်ပြီး သုံးသပ်တာတို့ ဆွေးနွေးတာတို့ မလုပ်ပါဘူးလို့ အာမခံ ပြောကြားခဲ့ပါတယ်။”အဲဒီလို ဗြိတိသျှ ပါလီမံမှာ အာမခံစကား ပြောဆိုသွားတဲ့ အစိုးရ၀န်ကြီးကတော့ လော့ဒ် ဟိုဝယ်လ် (Lord Howell) လို့ သိရပါတယ်။

မြန်မာနိုင်ငံအပေါ် အရေးယူပိတ်ဆို့မှု လုပ်ထားတာဟာ ထိရောက်မှု ရှိကြောင်းနဲ့ စစ်မှန်တဲ့ ပြုပြင် ပြောင်းလဲမှုတွေ မတွေ့ရမချင်း ဆက်ပြီးထားရှိဖို့ သူတို့အဖွဲ့အနေနဲ့ ဆက်ပြီး ဖိအားပေး တောင်းဆိုသွားမှာ ဖြစ်ကြောင်းလည်း မာ့ခ် ဖာမနာ က ပြောပါတယ်။

ကေအိုင်အိုနှင့် အစိုးရတပ် တိုက်ပွဲများ ယခင်လထက် နှစ်ဆတိုး

ကေအိုင်အိုနှင့် အစိုးရတပ် တိုက်ပွဲများ ယခင်လထက် နှစ်ဆတိုး
 

October 17, 2011

ကချင်ပြည်နယ်မှာ ကေအိုင်အို (ကချင်လွတ်လပ်ရေးအဖွဲ့) နဲ့ အစိုးရအကြား နှစ်ဖက် ကိုယ်စားလှယ်အဖွဲ့ တွေ့ဆုံမှုဟာ မပြေလည်ဘဲ တိုက်ပွဲတွေ များသထက် များလာနေပါတယ်။

ဒီလအတွင်း တိုက်ပွဲဖြစ်နှုန်းဟာ ပြီးခဲ့တဲ့ စက်တင်ဘာနဲ့ နှိုင်းယှဉ်ရင် နှစ်ဆနီးပါး တိုးလာတယ်လို့ ကေအိုင်အို ပြောခွင့်ရသူ ဦးလနန်းက ပြောပါတယ်။

“တိုက်ပွဲကတော့ အခု ခပ်စိပ်စိပ် ဖြစ်လာတယ်။ ကျနော်တို့ရဲ့ စာရင်းဇယားအရ စက်တင်ဘာလ တလ လုံးမှာ တိုက်ပွဲပေါင်းက စုစုပေါင်း ၈၆ ကြိမ်လောက် ဖြစ်တယ်။ ဒါပေမယ့် အောက်တိုဘာလ ၁ရက်နေ့ကနေ ၁၆ ရက်နေ့ထိ တိုက်ပွဲက ၈၄ ကြိမ်လောက် ဖြစ်တယ်။ ဒါကိုကြည့်ခြင်း အားဖြင့် တဖြည်းဖြည်းနဲ့ တိုက်ပွဲ အကြိမ်ပေါင်း များများလာတယ်။”

ဝိုင်းမော်မြို့က အထွက်မှာ အစိုးရဘက်က စိုးမိုးကုန်းတခုကို တိုက်ခိုက်တာ ၄ ရက်ခန့် ကြာမြင့်ပြီ ဖြစ်ပြီး တိုက်ပွဲ ပြင်းထန်တယ်လို့ ကေအိုင်အိုက ပြောပါတယ်။

အစိုးရတပ် ရိက္ခာ အသိမ်းခံရ

အစိုးရတပ် ရိက္ခာ အသိမ်းခံရ

အောက်တိုဘာလ 16 ရက် 2011 ခုနှစ်။

ကော့ကရိတ်မြို့နယ်ရှိ ဆုံဆည်းမြိုင်နှင့်အူးကလေ့ ထာ့ရွာအကြား၌ အစိုးရတပ်မှ ထော်လာဂျီကား ၂ စီးဖြင့် သယ်ဆောင်လာသော တပ်ရိက္ခာကို လက် နက်ကိုင် မဟာမိတ်တပ်များက ယနေ့နေ့လည်တွင် သိမ်းဆည်းခဲ့ သည်ဟု သိရသည်။

တိုးတက်သော ဗုဒ္ဓဘာသာ ကရင်အမျိုးသားတပ်မတော်-DKBA၊ ရခိုင်လွတ်မြောက်ရေးပါတီ-ALP နှင့်မြန်မာ နိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး-ABSDF တို့ ပါဝင်သည့် မဟာမိတ် ပူးပေါင်းတပ်ဖွဲ့ တို့က အစိုးရ တပ်ဘက်မှ သယ်လာ သော ဆန်၊ ပဲနှင့် အမဲဗူးတို့ကို သိမ်းဆည်းခဲ့ခြင်း ဖြစ်သည်။

DKBA မှ ဗိုလ်မှူး စောဆန်းအောင်က “ကျနော်တို့ သိမ်းဆည်းရတဲ့အချိန်မှာ အစိုးရတပ်က စစ်သားတွေ တစ်ယောက်မှ မတွေ့ ဘူး။ ကျနော်တို့အဖွဲ့တွေ လာတာသိလို့ ထွက်ပြေးတာ ဖြစ်မယ်။ ကားထဲမှာ ပစ္စည်းအပြည့်ပဲ။”ဟု ပြောသည်။

အစိုးရတပ်မှ ၎င်းတို့ တပ်ရိက္ခာ သယ်ဆောင်လာသည့် ထော်လဂျီကားမှာ ထိုဒေသရှိ ရွာသူရွာသားများ ကားဖြစ်သည်ဟု သိရ သည်။

ရိက္ခာ သိမ်းဆည်းခံရသည့် အစိုးရတပ်မှာ တပ်မ(၂၂) လက်အောက်ခံတပ်ဖွဲ့များ ဖြစ်သည်ဟု မဟာမိတ် ပူးပေါင်းတပ်များက ပြောသည်။

တဆက်တည်းမှာပင် ကော့ကရိတ်မြို့နယ်အတွင်း တာအုထာ့ရွာဘက်မှာလည်း DKBA နှင့် အစိုးရတပ်တို့ အကြား ယနေ့ ပစ် ခတ်မှု ဖြစ်ပွားခဲ့ရာ အစိုးရဘက်မှ တစ်ဦး ကျဆုံးခဲ့သည်ဟု ဗိုလ်မှူးစောဆန်းအောင်က ပြောသည်။

သတင်းရင်းမြစ် - ကေအိုင်စီ

ဘဘကြီးဦးတင်ဦးကို စော်ကားပြောဆိုခဲ့သူ ဒေါက်တာဝါကာအူဒင်းသို့  အိတ်ဖွင့်ပေးစာ  rfa

ဒေါ်အောင်ဆန်းစုကြည် ဆုံးဖြတ်ချက် မင်းကိုနိုင် ထောက်ခံမယ်

 AFP

2011-10-15

ဒေါ်အောင်ဆန်းစုကြည်နဲ့ အစိုးရ ဆွေးနွေးမှုကို ကြိုဆိုထောက်ခံကြောင်းနဲ့ ဒေါ်အောင်ဆန်းစုကြည် ချမှတ်မယ့် ဆုံးဖြတ်ချက်ကို သူလက်ခံမှာဖြစ် ကြောင်း ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ပြောဆိုလိုက်ပါတယ်။

ဒီမိုကရေစီ အင်အားစုများ၏ အထွေထွေ ရွေးကောက်ပွဲ အနိုင်ရ နှစ်ပတ်လည်နေ့ ဖြစ်သော ၂၀ဝ၇ခုနှစ် မေလ ၂၇ရက် တွင် လက်ချင်းချိတ်၍ ပါဝင်ဆင်နွှဲနေသည့် ၈၈ မျိုးဆက် ကျောင်းသားခေါင်းဆောင်များ ဖြစ်ပါသည်။ (ဝဲမှယာ) ကိုမြအေး၊ ကိုကိုကြီး၊ ကိုမင်းကိုနိုင်၊ ကိုဌေးကြွယ်။

အောက်တိုဘာလ ၁၄ ရက်နေ့က ကျိုင်းတုံအကျဉ်းထောင်မှာ ကိုမင်းကိုနိုင်ကို သွားရောက်တွေ့ဆုံခဲ့တဲ့ အမဖြစ်သူ ဒေါ်တင်တင်ညွန့် ကို အာအက်ဖ်အေက ဆက်သွယ်မေးမြန်းရာမှာ အခုလို ပြောဆိုလိုက် တာ ဖြစ်ပါတယ်။

“သူ မှာလိုက်တာက သူတို့ အစဉ်တစိုက် တောင်းဆိုလာခဲ့တဲ့အတိုင်း တွေ့ဆုံဆွေးနွေးရေး ဖြစ်လာပြီ။ အဲ့ဒီတော့ အခု အန်တီနဲ့ တဖက် အဖွဲ့အစည်းနဲ့ တွေ့ဆုံဆွေးနွေးနေတာကို ကြိုဆို ထောက်ခံပါတယ်၊ ဒါပေမယ့် Time Frame တော့ ရှိသင့်တယ်လို့ ထင်တယ်တဲ့။ ဒီ ဒိုင်ယာလော့ ကနေပြီးတော့ ရလာမယ့် ရလဒ်အပေါ် အန်တီ ချမှတ်မယ့် Decision ကို သူ လက်ခံပါမယ်တဲ့။ ကျမကို တရားဝင် မှာတာ ဒီစကားလုံးတွေပါပဲ။ ပါတီထောင်ရေးတို့ ရွေးကောက်ပွဲ ဝင်ရေးတို့နဲ့ ပတ်သက်ပြီး သူ့အနေနဲ့ ထောက်ခံတယ်လို့ရော၊ ကန့်ကွက်တယ်လို့ ရော ကြိုပြီးပြောစရာ အကြောင်းမရှိပါဘူးတဲ့။ ကာယကံရှင်တွေ ကိုယ်တိုင်တောင် တိတိကျကျ မပြောသေးတဲ့ ကိစ္စကို သူ့အနေနဲ့ ကြိုပြီး ပြောပိုင်ခွင့်လည်း မရှိဘူးတဲ့။ နောက်ပြီးတော့ ဒီကိစ္စနဲ့ ပတ်သက်ပြီး ဘယ်သူ့ကိုမှ လမ်းကြောင်းလည်း မပေးဘူး၊ နှပ်ကြောင်းလည်း မပေးဘူး၊ ဆရာလည်း မလုပ်ပါဘူးတဲ့။ ဘာဖြစ်မယ်မှန်းမှ မသိသေးတဲ့ ကိစ္စကို သူ့အနေနဲ့ ဘာမှ သဘောထား မပေးနိုင်ပါဘူးတဲ့”

ဒါ့အပြင် ကိုမင်းကိုနိုင်က လွတ်ငြိမ်းချမ်းသာခွင့် အမိန့်နဲ့ လွတ်မြောက်လာကြ သူတွေအတွက် မိသားစုဝင်တွေနဲ့ ထပ်တူ ဝမ်းသာမိကြောင်းလည်း ပြောဆိုလိုက်တယ်လို့ ဆိုပါတယ်။

ကိုမင်းကိုနိုင်ဟာ သွေးတိုးရောဂါ၊ နှလုံးအားနည်းတဲ့ ရောဂါ၊ ဇက်ကျော ကျည်းပေါင်းတက်တဲ့ ရောဂါနဲ့ ခြေထောက် အတက်ထွက်တဲ့ ရောဂါတွေ ခံစားနေရသလို ပြီးခဲ့တဲ့ ၂ လကစလို့ ခေါင်းမူးတဲ့ ဝေဒနာ ခံစားနေရပြီး ကျန်းမာရေး မကောင်းဘူးလို့လည်း ဆက်ပြောပါတယ်။

ကိုမင်းကိုနိုင်ရဲ့ ၄၉ နှစ်မြောက် မွေးနေ့ပွဲကို မိသားစုနဲ့အတူ ၈၈ မျိုးဆက် ကျောင်းသားတွေနဲ့ နိုင်ငံရေး လုပ်ဖော်ကိုင်ဘက်တွေက လာမယ့် အင်္ဂါနေ့မှာ ကျင်းပဖို့ စီစဉ်ထားပြီး ကျန်းမာရေး အခြေအနေ ကြောင့် အကျဉ်းထောင်အတွင်း မကျင်းပနိုင်တော့ဘူးလို့လည်း ဒေါ်တင်တင်ညွန့်က ဆက်ပြောပါတယ်။

“သူ အခု ကောင်းကောင်း နေမကောင်းတော့လေ ထောင်ထဲမှာ မလုပ်တော့ဘူးတဲ့။ သူလည်း နေမကောင်းဘူး၊ ထောင်ပိုင်ကြီးကလည်း ခွင့်နဲ့ ရန်ကုန် သွားနေတယ်။ ဒု-ထောင်ပိုင်လေးကလည်း သင်တန်း တက်နေတယ်၊ သူ ကိုယ်တိုင်လည်း ကျန်းမာရေး မကောင်းတော့ မလုပ်တော့ပါဘူးတဲ့။ သင်္ကန်းပဲ လှူတော့မယ်တဲ့။ သင်္ကန်း ဝယ်ပေးခဲ့ တယ်။ ထောင်က တာဝန်ရှိသူတွေက နေပြီးတော့ လှူပေးမှာပေါ့။ ရန်ကုန်မှာက ကျမတို့ သမိုင်းက မြို့မ ပရိယတ္တိ စာသင်တိုက်မှာ မနက်အစောကြီး အာရုံဆွမ်း၊ သံဃာတွေကို ကပ်မယ်။ နောက်ပြီးတော့ နီးစပ်ရာ ဆွေမျိုး မိတ်သင်္ဂဟတွေကို မနက် ၈ နာရီကနေ ၁ဝ နာရီအထိ ဧည့်ခံပါမယ်”

copy rights_RFA News