2011/12/07

ရန်ကုန်တွင် တိုင်းရင်းသားအရေး ဆွေးနွေးပွဲ ကျင်းပမည်

ဒီဇင်ဘာလ ၀၆ ရက် ၂၀၁၁ ခုနှစ်။

ငြိမ်းချမ်းရေးပုံရိပ် ကော်မတီမှ ဦးဆောင်၍ တိုင်းရင်းသား ဒေသများတွင် ဖြစ်ပွားနေသော ပဋိပက္ခများ ဆွေးနွေး အဖြေရှာရန် ပညာရှင်များကို ဖိတ်ခေါ်ကာ ရန်ကုန်မြို့တွင် လာမည့် ဒီဇင်ဘာလ ၁ဝ ရက်နေ့၌ ဆွေးနွေးပွဲ ကျင်းပရန် စီစဉ်ထားသည်ဟု ကော်မတီ၏ ဥက္ကဋ္ဌ ဒေါ်ဘောက်ဂျာက ပြောသည်။

“တိုင်းရင်းသားတွေ လိုလားနေတဲ့အရာက ဘာလဲဆိုတာ ပညာရှင်တွေ အားလုံးက ဝိုင်းပြီးဖလှယ်ပြီးတော့ အကောင်းဆုံး အဖြေတခု ရလာလိမ့်မယ်လို့ ယုံကြည်တယ်။”ဟု ဒေါ်ဘောက်ဂျာက ဆွေးနွေးပွဲ ရည်ရွယ်ချက်ကို ပြောသည်။

ကချင်ပြည်နယ်အတွင်း စစ်အင်အား တိုးချဲ့လာခြင်း လူ့အခွင့်အရေး ချိုးဖောက်မှုများ ရှိနေခြင်းတို့ကြောင့် ထိုဆွေးနွေးပွဲ ကျင်းပရခြင်း ဖြစ်သည်ဟုဆိုသည်။

“ပထမဆုံး ပညာရှင်တွေရဲ့ အကြံဉာဏ်ယူမယ်။ သူတို့ရဲ့ အကြံပြုချက်တွေယူမယ်။ နောက်ဆုံး ဒုက္ခသည်တွေရဲ့ နေရာဒေသထိ ခေါ်သွားမယ်။ တကယ် ငြိမ်းချမ်းရေးလိုအပ်နေတဲ့ နေရာထိဝင်ဖို့ထိ စီစဉ်ထားတယ်။ တကယ်ငြိမ်းချမ်း လိုအပ်တဲ့ အရာတွေဟာ ဘာလဲဆိုတာကို သူတို့ဆီက အဖြေရအောင် ယူမယ်။”ဟု သူက ဆက်ပြောသည်။

ဆက်ဖတ်ရန် >>

KIA မုန်းကို ၀င်စီးမှုတွင် မြန်မာအစိုးရ တပ်ရင်းမှုးအပြင် ၁၇ ဦးကျ

06 Dec 2011

ရှမ်းပြည်မြောက်ပိုင်း တရုတ်နယ်စပ် မုန်းကိုမြို့မှ မြန်မာအစိုးရ စစ်ဗျူဟာကုန်းနှင့် ရဲစခန်းအား ကချင်လွတ်မြောက်ရေး တပ်ဖွဲ့ (KIA)မှ ဒီဇင်ဘာ ၅ ရက်၊ တနင်္လာနေ့ မနက် အစောပိုင်း ၀င်စီးခဲ့ရာ ရဲနှင့် စစ်သား စုစုပေါင်း ၁၈ ဦး ကျဆုံးကြောင်း မျက်မြင်များ ပြောသည်။

ပထမဆုံး KIA ၏ မြို့တွင်း ၀င်စီးတိုက်ခိုက်မှုသည် နံနက် ၁ နာရီတွင်စတင်ပြီး ၄၅ မိနစ် ကြာ နှစ်ဖက်တိုက်ပွဲများ ဖြစ်ပွားခဲ့သည်ဟု ဒေသခံများဆိုသည်။

သေဆုံးသူများထဲ ညီခွမ်း-ချင်းရွှေဟော် နယ်မြေခံ ခလရ (၁၂၉) တပ်ရင်းမှူး ဗိုလ်မှူးမောင်မောင်မျိုး ပါဝင်ကာ ရဲတပ်ဖွဲ့ဝင် နှစ်ဦးလည်း ပါဝင်သည်ဟု KIA အရာရှိများပြောသည်။

တိုက်ပွဲကြောင့် ဗျူဟာကုန်း အတွင်း နေအိမ်အချို့နှင့် ရုံးခန်းအချို့ ပျက်ဆီးသည်ဟု ဒေသခံများ ပြောသည်။

ယခု ၀င်စီးမှုအား ရှမ်းပြည်မြောက်ပိုင်း KIA တပ်မဟာ ၄ လက်အောက် တပ်ရင်း ၃၆ နှင့် ၃၈ မှ တပ်သားများ ပြုလုပ်ခြင်းဖြစ်သည်။

KIA ဘက်မှ တပ်ရင်း ၃၆ မှ တပ်ကြပ် ဆွမ်လွတ်ဂမ်ဆိုင်း ကျဆုံးသည်ဟု KIA အရာရှိများ အတည်ပြုသည်။

ထိုတိုက်ပွဲကြောင့် မြန်မာအစိုးရတပ် စစ်ကူ ယာဉ်တန်းများ မူဆယ် ၁၀၅ မိုင်ဂ်ိတ်မှ မုန်းကိုသို့ ချီတက် လာသော်လည်း ထိုနေ့ညနေပိုင်းအထိ ရောက်မလာကြသေးဟု ဆိုသည်။

သတင်းရင်းမြစ် - ကချင်သတင်းဌာန

2011/12/06

သမ္မတ၏ ငြိမ်းချမ်းရေးကမ်း လှမ်းချက်ကို ဖြိုခွဲခြင်း နည်းဗျူဟာဟု UNFC ပြော

Submitted by admin on Monday, 5 December 2011--

ဒီဇင်ဘာလ ၅ရက်။ စောခါးစူးညား (ကေအိုင်စီ)

မြန်မာသမ္မတ ဦးသိန်းစိန်၏ ငြိမ်းချမ်းရေး ကမ်းလှမ်းချက်ဖြစ်သည့် တွေ့ဆုံဆွေးနွေးရေး လမ်းစဉ်သည် ညီညွှတ်သော တိုင်း ရင်းသားလူမျိုးများဖက်ဒရယ်ကောင်စီ -UNFC ကို ဖြိုခွဲခြင်း နည်းဗျူဟာသာ ဖြစ်သည်ဟု UNFC က ယနေ့ ပြောကြားလိုက် သည်။

“သူတို့(မြန်မာအစိုးရ) ပြည်နယ်တခုနဲ့ မတူတဲ့အပေါ်မှာ၊ လိုအပ်မှုလည်း မလိုအပ်တဲ့အပေါ်မှာ UNFC တွေကို တဖွဲ့ချင်းစီနဲ့ တွေ့တာဟာ ဒါ ခွဲထုတ်ရေးဆိုတဲ့ သဘောပါ။ သီးခြားစီတွေ့ပြီးတော့မှ အပစ်ရပ်လုပ်ပြီး နောက်ဆုံး ဒေသဖွံ့ဖြိုးရေး၊ ဘာရေးနဲ့ အချိန်ဆွဲထားတယ်။ နောက် အဲဒီအဖွဲ့ နယ်ခြားစောင့်တပ်၊ ပြည်သူ့စစ် သူတို့ ဖွဲ့စည်းပုံအတိုင်းပဲ ဦးတည်နေ တယ်။”ဟု UNFC အထွေထွေ အတွင်းရေးမှူး နိုင်ဟံသာက ပြောသည်။

တိုင်းရင်းသားတပ်ပေါင်းစုဖြစ်သည့် UNFC အဖွဲ့ဝင် ကချင်၊ ကရင်နီ(ကယား)၊ ကရင်၊ မွန် စသည့်အဖွဲ့များသည် အစိုးရ၏ ငြိမ်းချမ်းရေးကမ်းလှမ်းချက်ကို လက်ခံကာ ယခင်လ၌ အစိုးရနှင့် တွေ့ဆုံဆွေးနွေးခဲ့ပြီဖြစ်သည်။ သို့သော် နိုင်ငံရေးအရ တိုးတက်ပြောင်းလဲမှုများ မရှိခဲ့ပေ။

မြန်မာအစိုးရသည် တိုင်းရင်းသားလက်နက်ကိုင် အင်အားစုများနှင့် ဖြစ်ပွားနေသည့် နိုင်ငံရေးပြဿနာကို နိုင်ငံရေးနည်းဖြင့် မဖြေရှင်းဘဲ စစ်အင်အားသုံးဖြေရှင်းခြင်း၊ အပစ်ရပ်ပြီး ဒေသဖွံ့ဖြိုးရေး နည်းဗျူဟာကို ကျင့်သုံးနေခြင်းတို့သည် တိုင်းရင်း သားလူမျိုးများ၏ နိုင်ငံရေးအရ တန်းတူရရှိရေးတိုက်ပွဲကို လှည့်စားဖြိုခွဲခဲ့သဖြင့် နှစ်ပေါင်း(၆၀)ကျော် ငြိမ်းချမ်းရေးနှင့် အလှမ်းဝေးခဲ့ရခြင်းဖြစ်ကြောင်း ယမန်နေ့က ထုတ်ပြန်သည့် UNFC ကြေညာချက်၌ ဖော်ပြထားသည်။

ဆက်ဖတ်ရန် >>

2011/12/05

ကရင်အမျိုးသား အစည်းအရုံး (ဂျပန်) ဒီဇင်ဘာလ လပတ် အစည်းအဝေး

၂၀၁၁- ဒီဇင်ဘာလ-၄ ရက်

ကရင်အမျိုးသား အစည်းအရုံး (ဂျပန်) လပတ်အစည်းအ၀း ကို တခါဒါနိုဘာဘာ AUN (Japan) Office တွင် နေ့  လည် ၁ နာရီ မှ ညနေ ၅း၀၀ နာရီ အထိ အဖွဲ့ သူ၊ အဖွဲ့ သား စုံညီစွာ ဖြင့် ကျင်ပပြုလုပ်ခဲ့ကြသည်။

အစည်းအဝေးတွင် အဖွဲ့ တာဝန်ရှိသူများ မှ တဦးချင်း ရှေဆက်လုပ်ဆောင် မည့် လုပ်ငန်းစဉ်များကို ရှင်းလင်း ပြောကြားပြီးနောက် ၊ အဖွဲ့ သူ အဖွဲ့ သားများ နှင့် အခြားသော ကရင် အဖွဲ့ အစည်း ဧည့်သည် များမှ မိမိတို့ ရဲ့ အမြင်များကို ပူးပေါင်းပါဝင် ဆွေးနွေးတင်ပြ ခဲ့ကြပါသည်။

သတင်းမှတ်တမ်း ဓါတ်ပုံ ။ ။ Moe Min Thu

တိုင်းရင်းသားကောင်စီ ပြည်ထောင်စုတပ်မတော် ဖွဲ့တော့မည်

တနင်္ဂနွေ, 04 ဒီဇင်ဘာ 2011 By မခင်ဖြူထွေး

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC က ပြည်ထောင်စုတပ်မတော် ဖွဲ့စည်းဖို့ ပြင်ဆင်နေပါတယ်။ ဒါဟာ UNFC စတင်ဖွဲ့စည်းကတည်းက ဆုံးဖြတ်ချက်ကို အကောင်အထည်ဖော်တာ ဖြစ်သလို ခုလို ပြည်ထောင်စုတပ်မတော် ဖွဲ့စည်းခြင်းအားဖြင့် အပစ်အခတ် ရပ်စဲမှုတွေလုပ်တဲ့အခါမှာ တစုတစည်းတည်း အားလုံး ပါဝင်မှာဖြစ်တဲ့အတွက် ပိုပြီးထိရောက်နိုင်တယ်လို့ UNFC ရဲ့ စစ်ရေးအကြံပေး ဦးခွန်ဥက္ကာက ပြောပါတယ်။ ဆက်သွယ်စုံစမ်းထားတဲ့ မခင်ဖြူထွေးက အပြည့်စုံ အစီရင်ခံထားပါတယ်။

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ကို စတင်ဖွဲ့စည်းခဲ့ချိန်ကတည်းက ပြည်ထောင်စု တပ်မတော် ထူထောင်ဖို့ ဆုံးဖြတ်ချက် ရှိခဲ့တဲ့အတိုင်း အခု အကောင်အထည် ဖော်နေတာဖြစ်ပြီး တပ်ဖွဲ့စည်းမှုဆိုင်ရာ ဥပဒေ ပြဌာန်းတာ၊ လုပ်ငန်းစီမံချက် ချမှတ်တာ၊ တပ်ဖွဲ့အားလုံး လိုက်နာလုပ်ဆောင်ရမယ့် စည်းမျဉ်းစည်းကမ်း ချမှတ်တာ စတဲ့ အဆင့်ဆင့်ဆောင်ရွက်ချက်တွေကို လုပ်ဆောင်ခဲ့ပြီးဖြစ်တယ်လို့ UNFC အဖွဲ့ဝင်တစ်ခုဖြစ်တဲ့ ပအို့ဝ်အမျိုးသား လွတ်မြောက်ရေးအဖွဲ့ချုပ် PNLO ဥက္ကဋ္ဌလည်းဖြစ်၊ UNFC ရဲ့ လက်ရှိ စစ်ရေးအကြံပေး ဦးခွန်ဥက္ကာက ဗွီအိုအေကို ပြောပါတယ်။

“ကျနော်တို့ ဖက်ဒရယ်ကောင်စီဖွဲ့ကတည်းကိုက ဒီကောင်စီဟာ တခြားကောင်စီတွေနဲ့ မတူအောင် ကျနော်တို့မှာရှိတဲ့ တပ်ဖွဲ့အင်အားတွေကို ပေါင်းစည်းပြီးတော့ ဖက်ဒရယ်တပ်မတော် တခါတည်းဖွဲ့ဖို့ စီမံကိန်းကရှိပြီးသားပါ။ အဲဒီကတည်းက မူကကျပြီးသားပဲလေ။ သို့သော်လည်းပဲ အကြောင်းအမျိုးမျိုးကြောင့် ဖက်ဒရယ်ကောင်စီကို ကျနော်တို့ စုဖွဲ့တာတွေ၊ မွမ်းမံတာတွေ လုပ်တာက လေးငါးခြောက်လကနေ ကိုးလလောက် ကြာတဲ့အချိန်မှာ တပ်ကတော့ အကောင်အထည် မဖော်သေးတာပဲဖြစ်တာပေါ့။ ရည်ရွယ်ချက်ကတော့ ကျနော်တို့ ဖက်ဒရယ်ကောင်စီရဲ့ နိုင်ငံရေးရည်မှန်းချက်တွေကို အကောင်အထည် ဖော်ဖို့အတွက် တပ်မတော်ကလည်း တတပ်တအား အထောက်အကူဖြစ်မယ်။ နောက်ပြီးတော့ စစ်ရေးအရ ဖိနှိပ်မှုတွေကိုလည်း စုပေါင်း တွန်းလှန်မယ်။ ကိုယ့်ရဲ့ တိုင်းရင်းသားဒေသ တိုင်းရင်းသားနယ်မြေ တိုင်းရင်းသားပြည်သူလူထုတွေကိုလည်း အကာအကွယ် ပေးသွားမယ်။

ဆက်ဖတ်ရန် >>

ကချင်ပြည်နယ်မှာ စစ်မီးငြိမ်းဖို့ အလှမ်းဝေးနေဆဲ

2011-12-04

ပြည်တွင်းငြိမ်းချမ်းရေး ရရှိဖို့ ဆောင်ရွက်သွားမှာဖြစ်ကြောင်း မြန်မာ အစိုးရက အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ကို ကတိပေး ပြောဆိုခဲ့ပေမယ့် ကချင်ပြည်နယ်အတွင်း အစိုးရစစ်တပ်နဲ့ ကချင်လွတ်မြောက်ရေးအဖွဲ့ KIO အကြား တိုက်ပွဲတွေ ဆက်လက်ဖြစ်ပွားနေပါတယ်။

Map: RFA

မြန်မာနိုင်ငံ၏ မြောက်ဖက်ဆုံးတွင် တည်ရှိသော ကချင်ပြည်နယ်သည် အင်အားကြီး အိမ်နီးချင်း တရုတ်နှင့် အိန္ဒိယ နိုင်ငံတို့နှင့် နယ်နိမိတ်ချင်း ဆက်စပ်နေပါသည်။ (Map: RFA)

အစိုးရ ငြိမ်းချမ်းရေး ကိုယ်စားလှယ်တွေနဲ့ KIO အဖွဲ့ ကိုယ်စားလှယ်တွေ နိုဝင်ဘာလ ၂၉ ရက်နေ့က တွေ့ဆုံခဲ့ကြပေမယ့် အပစ်အခတ် ရပ်စဲရေးအတွက် နှစ်ဘက် သဘောတူညီချက် ရရှိဖို့ အခြေအနေ ဝေးနေသေးတယ်လို့ KIO ပြောခွင့်ရပုဂ္ဂိုလ် ဦးလနန်က ပြောပါတယ်။

“ဗဟိုဌာနချုပ်နဲ့ နီးတဲ့ ဒီခွင်ထဲမှာ မနေ့က တကြိမ်ဖြစ်တယ်။ တပ်မဟာ (၃) မိုင်ဂျာယန်ခွင်မှာလည်း ပြင်းပြင်းထန်ထန် ဖြစ်တယ်။ မိုင်ဂျာယန်ရွာနဲ့တော့ နည်းနည်းဝေးတယ်။ ဒါပေမယ့် လက်နက်ကြီးသံတွေ အတိုင်းသား ကြားနေရတယ်”

လက်ရှိ KIO ထိန်းချုပ်ထားတဲ့ နယ်မြေတွေထဲမှာ စစ်ပြေးဒုက္ခသည်ဦးရေ တနေ့ထက် တနေ့ တိုးပွားလာနေတယ်လို့ သိရပါတယ်။ ပြီးခဲ့တဲ့လက ဒုက္ခသည် အရေအတွက် ၃ သောင်းလောက် ရှိရာကနေ ဒီဇင်ဘာ လဆန်းပိုင်းမှာ ၃ သောင်း ၄ ထောင်ကျော် ရှိသွားပြီလို့ ဦးလနန်က ပြောပါတယ်။

ဆက်ဖတ်ရန် >>

2011/12/04

ဗိုလ်ချုပ် အတ္ထုပ္ပတ္တိ ရုပ်ရှင် ရိုက်ကူးရေး ဒေါ်အောင်ဆန်းစုကြည် ဆွေးနွေး

၂၀၁၅ ဖေဖော်ဝါရီလမှာ နှစ် ၁၀၀ ပြည့်အထိမ်းအဖြစ် ဗိုလ်ချုပ်အောင်ဆန်းရဲ့ အတ္ထုပ္ပတ္တိ ရုပ်ရှင် ကားကြီးကို ရိုက်ကူးဖို့ ဒေါ်အောင်ဆန်းစုကြည်က နာမည်ကြီး ဒါရိုက်တာများ၊ သရုပ်ဆောင်များနဲ့ ဒီနေ့ညနေက တွေ့ဆုံရာမှာ ဆွေးနွေးခဲ့ကြောင်း သိရပါတယ်။

အဲဒီ ဆွေးနွေးပွဲကို ရုပ်ရှင်လောကမှ အနုပညာရှင် ၁၀၀ ကျော် တက်ရောက်ပြီး ဗိုလ်ချုပ်ရဲ့ ငယ်စဉ်ဘဝ ဖြတ်သန်းမှုနဲ့ လွတ်လပ်ရေးကြိုးပမ်းမှုတွေကို ရိုက်ကူးစေလိုကြောင်း၊ သရုပ်ဆောင်ရွေးချယ်ရေး စတာတွေကို ဒေါ်အောင်ဆန်းစုကြည်က အကြံတောင်းခဲ့ကြောင်း ဆဲဗင်းဒေး သတင်းဂျာနယ်က ရေးသားထားပါတယ်။

ဓာတ်ပုံများ - Eleven Media Group ၏ ဖေ့စ်ဘုတ်စာမျက်နှာမှ