2012/08/31

တိုက်ပွဲများကြောင့် ဖားကန့်မြို့နယ် လောင်စာဆီ သိုလောင်ရုံတခု ပေါက်ကွဲ

ဖနိဒါ | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၁၉ နာရီ ၃၀ မိနစ်

ချင်းမိုင်(မဇ္စျိမ) ။ ။ ကချင်လွတ်လပ်ရေးအဖွဲ့ KIO နှင့် အစိုးရတပ်တို့အကြား ပစ်ခတ် တိုက်ခိုက်မှုများကြောင့် ဖားကန့်မြို့နှင့် နှစ်မိုင်အကွာ ဆိုင်းဂျာဘွမ် ကျေးရွာရှိ ဝေအောင်ကမ္ဘာ အကျိုးတူ ကုမ္ပဏီပိုင် လောင်စာဆီ သိုလောင်ရုံထဲသို့ လက်နက်ကြီး ကျကာ ပေါက်ကွဲမှု ဖြစ်ခဲ့ကြောင်း သိရသည်။

အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ဖွဲ့များနှင့် KIO ၏ တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ ဗုဒ္ဓဟူးနေ့ မွန်းလွဲပိုင်း ၂ နရီမှစတင်၍ တိုက်ပွဲဖြစ်ပွားခဲ့ရာ ညနေ ၅ နာရီခွဲချိန်တွင် အဆိုပါ သိုလောင်ရုံပေါက်ကွဲခဲ့သဖြင့် ဖားကန့်မြို့ တမြို့လုံး တုန်ခါသွားခဲ့သည်ဟု ဒေသခံများက ဆိုသည်။

“လက်နက်ကြီး သွားကျတာလေ။ ကျည်ဆံက ယမ်းတိုက်ပေါ်မှာ သွားကျတာ။ ဝေအောင်ကမ္ဘာ မိသားစု အကျိုးတူ ကုမ္ပဏီလေ။ အဲဒီကုမ္ပဏီရှိတဲ့ နေရာက နှစ်ဖက် တပ်တွေရဲ့ အလယ်မှာ ဖြစ်နေတယ်။ အဲတော့ ယမ်းတိုက်ပေါ်ကျတဲ့ လက်နက်ကြီး ကျည်ဆံက ဘယ်ဘက်က ကျည်ဆံဆိုတာ ခန့်မှန်းလို့ မရဘူးလေ” ဟု အမျိုးသား ဒီမိုကရေစီအဖွဲ့ချုပ် NLD ဖားကန့်ရုံး တာဝန်ခံ ဦးခင်မောင်ချင်း က ပြောသည်။ ပေါက်ကွဲမှုနှင့် အနီးတဝိုက်ရှိ ကျေးရွာများမှ ဒေသခံရွာသားများမှာ ဖားကန့်မြို့ပေါ် ပြောင်းရွှေ့သွားကြသဖြင့် ထိခိုက်သေဆုံးမှု မရှိကြောင်း သိရသည်။

ဆက်ဖတ်ရန် >>

ကချင်ဒေသ တိုက်ပွဲများရပ်ရန် တောင်းဆို

ကချင်ပြည်နယ်အတွင်း ဖြစ်ပွားနေသည့် တိုက်ပွဲများနှင့် လူ့အခွင့်အရေး ချိုးဖောက်မှုများကို ချက်ချင်း ရပ်တန့်ပေးရန် ကချင် အဖွဲ့ ၁၁ ဖွဲ့ ပူးပေါင်း၍ စစ်အစိုးရကို ယမန်နေ့က တောင်းဆို လိုက်သည်။

ထိုင်းနိုင်ငံ အခြေစိုက် ကချင်အမျိုးသမီး အစည်းအရုံး (KWAT)၊ ကချင်ဖွံ့ဖြိုးရေး ကွန်ရက်(KDNG)၊ ကချင် ပြည်လုံးဆိုင်ရာ ကျောင်း သား သမဂ္ဂ(AKSYU)၊ ကချင် အမျိုးသား

အဖွဲ့ (Kachin National Organization-KNO) အပါအ၀င် ၁၁ ဖွဲ့ က ပူးပေါင်း ထုတ်ပြန် ထားခြင်း ဖြစ်သည်။

စစ်ပွဲများကို ရပ်တန့်ပြီး အမျိုးသား တန်းတူရေးနှင့် ကိုယ်ပိုင်ပြဌာန်းခွင့်ကို ဖော်ဆောင်မည့် စစ်မှန်သော နိုင်ငံရေး တွေ့ဆုံဆွေးနွေး ပွဲများ စတင်နိုင်ရန် အတွက် ရည်ရွယ်ပြီး တောင်းဆိုခြင်း ဖြစ်ကြောင်း KWAT အဖွဲ့မှ မွန်နေလီက ဧရာဝတီသို့ ပြောသည်။

ဆက်ဖတ်ရန် >>

ကေအဲန်ယူ - ကရင်အမျိူးသားအစည်းအရုံးမှ ကရင့်ရိုးရာချည်ဖြူပွဲမင်္ဂလာအခမ်းအနားသို့ ပေးပို့ သော သ၀ဏ်လွှာ

KNU letter for Karen Wrist Tying_2012 _Burmese_

2012/08/30

KNU နှင့် အစိုးရ အပစ်အခတ် ရပ်စဲရေး တတိယအကြိမ် ဆွေးနွေးမည်

သန်းထိုက်ဦး| August 29, 2012

KNU နှင့် အစိုးရ ငြိမ်းချမ်းရေး ဖော်ဆောင်ရေး အဖွဲ့ သြဂုတ်လ ၅ရက်နေ့က ကရင်ပြည်နယ် မြ၀တီမြို့ရှိ အေးချမ်းဖြိုးဧည့်ရိပ်သာ၌ အလွတ်သဘော ဆွေးနွေးကြစဉ်။ (ဓာတ်ပုံ – KIC)

အစိုးရနှင့် တတိယ အကြိမ် အပစ်အခတ် ရပ်စဲရေး ဆက်လက် တွေ့ဆုံဆွေးနွေးမည့် ရက်ကို ယမန်နေ့က ပြန်လည် သတ်မှတ် လိုက်ကြောင်း ကရင်အမျိုးသား အစည်းအရုံး (KNU) က ထုတ်ပြန်ထားသည်။

ကရင်ပြည်နယ် ဘားအံမြို့တွင် သြဂုတ်၂၇ ရက်နေ့မှစတင်၍ ၃ ရက်ကြာ တွေ့ဆုံဆွေးနွေးရန် ညှိနှိုင်းဆုံးဖြတ်ထားခြင်းကို ရွှေ့ဆိုင်းခဲ့ပြီးနောက် လာမည့် စက်တင်ဘာလ ၃ ရက်မှ ၄ ရက်နေ့ တို့ကို ပြန်လည် သတ်မှတ်လိုက်ခြင်း ဖြစ်သည်။

တွေ့ဆုံဆွေးနွေး ရာတွင် ပြည်သူလူထု အတွက် အာမခံချက်ရှိသော လုံခြုံမှုရရှိရေးနှင့် အဆင့်တိုင်းတွင် ယုံကြည်မှု တည်ဆောက် ရေး တို့ကို ဦးတည်သည့် အချက်၂ ချက်ကို အဓိကထားပြီး ညှိနှိုင်းသွားမည် ဖြစ်ကြောင်း ယမန်နေ့ကKNU ၏ ထုတ်ပြန်ချက်တွင် ပါရှိသည်။

ဆက်ဖတ်ရန် >>

အစိုးရတပ်များ ဖားကန့်ရှိ ကျေးရွာ ၁၁ ရွာရှိ ဒေသခံများအား တိမ်းရှောင်ရန် သတိပေးကြေငြာ

တိုက်ပွဲများကြောင့် ဖါးကန့်မှ ထွက်ခွာရန် ကြိုးပမ်းနေသည့် ကုမ္ပဏီ စက်ယန္တယားများ။

29 August 2012

ကချင်ပြည်နယ် ဧရာမကျောက်စိမ်းတူးဖော်ရာဒေသဖြစ်သော ဖားကန့်မြို့ရှိ ကျေးရွာ ၁၁ ရွာကို မြန်မာအစိုးရတပ်ဖွဲ့များမှ အသံချဲ့စက်အသုံးပြုကာ မိမိနေအိမ်မှ ပစ္စည်းများတစ်ခု မကျန် သိမ်းဆည်းကာ ပြောင်းရွှေ့သွားရန် ယနေ့မနက်တွင် လိုက်လံ သတိပေးပြော ဆိုခဲ့ကြောင်း ဒေသခံများပြောသည်။

သြဂုတ်လ ၂၇ ရက်နေ့တွင် တိုက်ပွဲများပြင်းထန်စွာဖြစ်ပွားပြီးနောက် အစိုးရတပ်များမှ ဖားကန့်မြို့နယ်တွင်း မှော်မောင်းလယန်၊ မှော်မောင်ကုန်း၊ အင်ဗလခ၊ တောင်ပြို၊ မျောက်ဖြူ၊ ရှရော်ခ၊ ဆိုင်းဂျာဘွမ်၊ မနား၊ ကလောမှော်၊ ပီကျောင်၊ မှော်ဝမ်းကလေး စသည့်ကျေးရွာရှိဒေသခံများအား ပြောင်းရွှေ့ရန် သတိပေးခဲ့ခြင်း ဖြစ်ကြောင်း ဖားကန့်ဒေသခံတစ်ဦးပြောသည်။

“ဒီမနက် ၁ နာရီလောက်မှာ အဲလိုပြောတော့ ၂ နာရီခန့်ကတော့ ပစ္စည်းတွေသိမ်းပြီး တစ်ရွာလုံးက လူတွေ ပစ္စည်းတွေတင်ပြီးပြောင်းနေကြတယ်။ အခု ကျနော်တို့ ဖားကန့်မြို့ ငှက်ပျောတော ခရစ်ယာန် ဘုရားကျောင်းမှာ ရောက်နေတယ်။ ကျနော်တို့ရွာကတော့ အများပိုင်းက တနင်္ဂနွေနေ့က ပြောင်းပြီလေ။ ဒါပေမဲ့ အကုန်ပြောင်းတာက ဒီမနက်ပဲ။ ရွာမှာက ကျေးရွာကော်မတီ ၅ ယောက် ထက်ကျော်ပြီး မနေရဘူးတဲ့” ဟု မှော်မောင်းလယန်မှ ဒေသခံ တစ်ဦးကပြောသည်။

ယခုလို အစိုးရတပ်နှင့် ကချင်လွတ်မြောက်ရေးတပ် KIA နှစ်ဖက်စစ်ရေး အရှိန်မြင့်နေချိန် မြန်မာအစိုးရတပ်မှ ထိုသို့ ကျေးရွာများအား ပြောင်းရွှေ့ကြရန် ပြောဆို သတိပေးခြင်းသည် မကြာမီ ထိုးစစ်ဆင်တိုက်ပွဲများ ပိုမိုပြင်းထန်လာမည့် အလားအလာရှိကြောင်း ဖားကန့်ဒေသခံများ သုံးသပ် ပြောဆိုနေကြသည်။

ဆက်ဖတ်ရန် >>

မြန်မာ့ပြုပြင်ပြောင်းလဲရေးတွင် စစ်တပ်အခန်းကဏ္ဍ ဖယ်၍မရ

လင်းသန့်| August 29, 2012

စင်ကာပူနိုင်ငံ အခြေစိုက် အရှေ့တောင်အာရှ လေ့လာရေးဌာနမှ ၀ါရင့်သုတေသီ ဒေါက်တာ တင်မောင်မောင်သန်း (ဓာတ်ပုံ – ဧရာဝတီ)

မြန်မာနိုင်ငံ၏ ပြုပြင်ပြောင်းလဲရေးတွင် တပ်မတော်၏ အခန်းကဏ္ဍကို ဖယ်ထား၍ မရကြောင်း စင်ကာပူနိုင်ငံ အခြေစိုက် အရှေ့တောင်အာရှ လေ့လာရေးဌာနမှ ၀ါရင့်သုတေသီ ဒေါက်တာ တင်မောင်မောင်သန်းက ပြောသည်။

ထိုင်းနိုင်ငံ၊ ချင်းမိုင်တက္ကသိုလ်ရှိ The Regional Centre for Social Science and Sustainable Development (RCSD) ဌာနက ယမန်နေ့တွင် ကြီးမှူးကျင်းပခဲ့သည့် မြန်မာ့ပြုပြင်ပြောင်းလဲရေးနှင့် တပ်မတော်၏ အခန်းကဏ္ဍ အကြောင်း “အခန်းထဲက ဆင်” (The Elephant in the Room) ခေါင်းစဉ်ဖြင့် ဟောပြောပွဲတွင် ဒေါက်တာ တင်မောင်မောင်သန်းက ထိုသို့ ပြောဆိုခြင်း ဖြစ်သည်။

“အခု နောက်ပိုင်း၊ သမ္မတကြီး ဦးသိန်းစိန် တက်လာတဲ့အခါကျတော့ ဒီမိုကရေစီ အစိုးရဖြစ်တယ်ဆိုပြီးတော့ တပ်မတော်က ပြည်သူ့ရေးရာ ကိစ္စတွေမှာ မပါတော့ဘူး။ မပါတော့ သူက ပျောက်နေသလိုဖြစ်နေတယ်။ တကယ်တော့ သူက အရေးပါတဲ့ အခန်းကဏ္ဍမှာ ပါတယ်ဆိုတာ တင်စားပြီး ပြောတာပါ” ဟု ၎င်းက ပြောသည်။

ဆက်ဖတ်ရန် >>

ပြည်ပမှ မြန်မာနိုင်ငံသို့  ပြန်လည်ရောက်ရှိသူ ထောင်ချခံရ။

ပြည်ပမှ မြန်မာနိုင်ငံသို့ ပြန်လည် ၀င်ရောက်ခဲ့သူ စောကျော်ကျော်မင်း ယနေ့မနက်မှာ မြောက်ပိုင်း ခရိုင်တရားရုံး (အင်းစိန်) ၏ မတရား ဆောင်ရွက်မှုကြောင့် အင်းစိန်ထောင်တွင် ထောင် (၆) လ ကျခံ ရကြောင်း သိရှိရပါတယ်။

စောကျော်ကျော်မင်းဟာ ရှေ့နေ တစ်ဦးဖြစ်ပါတယ်။ မြန်မာပြည်ကနေ ပြည်ပကို မထွက်ခွာခဲ့မီက အမျိုးသားဒီမိုကရေစီအဖွဲ့ ချုပ်မှ ကိုသန်းဇင်မျိုး အပါအ၀င် (၁၁) ဦးရဲ့ အမှုကို ရှေ့နေ စောကျော်ကျော်မင်းနဲ့ ရှေ့နေ ညီညီထွေးတို့က လိုက်ပါ ကူညီဆောင်ရွက် ခဲ့ကြပါတယ်။ ကိုသန်းဇင်မျိုးတို့  အမှုအတွက် ကူညီဆောင်ရွက်နေစဉ်အတွင် တရားရုံးအတွင်း အမှုစစ်စဉ် တရားသူကြီးက တရားရုံးကို ကျောပေးထိုင်တဲ့ ကိစ္စနဲ့ ပတ်သတ်ပြီး ရှေ့နေတွေကို တရားခံတွေကို ရှေ့လှည့်ထိုင်ခိုင်းဖို့ အမိန့်ပေးခဲ့တဲ့အခါမှာ ရှေ့နေ စောကျော်ကျော်မင်းတို့က အမှုသည်ရဲ့ ညွှန်ကြားချက် မဟုတ် တဲ့အတွက် မပြောပေးနိုင်ဘူး ဆိုခဲ့တာကြောင့် စောကျော်ကျော်မင်းတို့ကို တရားရုံး မထီမဲ့မြင်ပြုမှု ပုဒ်မ ၂၂၄ နဲ့  တရားစွဲပါတယ်။ တရားစွဲဆဲ အမိန့် မချခင်ကာလမှာ စောကျော်ကျော်မင်း ပြည်ပကို ထွက်ခွါခဲ့ခြင်း ဖြစ်ပါတယ်။

၎င်းနောက် သမ္မတဖြစ်သူ သိန်းစိန်ရဲ့  ပြည်ပရောက်နေသူတွေကို ဖိတ်ခေါ်မှု အရ စောကျော်ကျော်မင်းဟာ မြန်မာပြည်ကို ပြည်ပကနေ ပြန်လည် ၀င်ရောက်ခဲ့တာဖြစ်ပြီး ယခုလို ထောင်ချခံရတာ ဖြစ်ပါတယ်။

ဆက်ဖတ်ရန် >>