တိုကျိုတွင် ကျင်းပပြုလုပ်သည့် (၆၅)နှစ်မြောက် မွန်အမျိုးသားနေ့ အခမ်းအနား

တိုကျိုတွင် ကျင်းပပြုလုပ်သည့် (၆၅)နှစ်မြောက် မွန်အမျိုးသားနေ့ အခမ်းအနား

 

၂၀၁၂ ခုနှစ် ဖေဖေါ်ဝါရီလ(၁၉)ရက်။

(၆၅)နှစ်မြောက် မွန်အမျိုးသားနေ့ အခမ်းအနားကို တိုကျို Toshima-ku Kumin center 6F မှာ ဂျပန်နိူင်ငံရောက် ပုညကာရီ မွန်အမျိုးသားအဖွဲ့ (ဂျပန်) မှ ဦးစီးကျင်းပ ပြုလုပ်ခဲ့ကြပြီး ဂျပန်နိူင်ငံ ရောက် ပြည်ထောင်စုဘွား တိုင်းရင်းသား ညီအကိုများတို့ မှပူးပေါင်း ပါဝင်ခဲ့ကြပါသည်။

အခမ်းအနားကို နှစ်ပိုင်းခွဲ၍ ကျင်းပပြုလုပ်ခဲ့ပြီး ပထမပိုင်း ကျင်းပပြုလုပ်သည့် နိုင်ငံရေး အခမ်းအနား၌ မွန်အမျိုးသား အလံတော်အား အလေးပြုခြင်း ၊ မွန်ပြည်သစ် ပါတီ အထွေထွေအတွင်းရေးမှူးမှ ပေးပို့လာသည့် သ၀ဏ်လွှာကို ဖတ်ကြားရာ၌ မွန်အမျိူးသားများတို့သည် ဘိုးဘေးဘီဘင်တို့ လက်ထက် ခေတ်ပေါင်း နှစ်ပေါင်းများစွာ အသက်သွေးချွေး များစွာပေးပြီး အမျိုးသားရေး တာဝန်ကို ထမ်းဆောင် ခဲ့ကြသဖြင့် လွတ်လပ်ပြီး ထင်ရှားသော လူမျိုးတမျိုး ဖြစ်လာခဲ့ သည်။ ယနေ့ မိမိတို့ နိုင်ငံတွင် မွန်လူမျိုးများသည်လဲ မလွတ်လပ်သေးဘဲ မွန်လူမျိုးများ နည်းတူ အဖိနှိပ်ခံ နေကြရသော ဘ၀တူ တိုင်းရင်းသားလူမျိုး အားလုံး စုပေါင်း၍ ဒီမိုကရေစီနှင့် အခြေခံလူ့အခွင့်အရေးများ  ရရှိသည်အထိ အတူတကွ လက်တွဲပြီး ရုန်းကန် လှုပ်ရှား တိုက်ပွဲဝင်သွားကြရန် လိုကြောင်း ထည့်သွင်း ဖေါ်ပြထားပါသည်။

ဒုတိယ ပိုင်းရိုရာယဉ်ကျေးမူ ဖျော်ဖြေရေး အစီအစဉ်တွင် မွန်အမျိုးသားတို့၏ ရိုးရာသီချင်းများ ၊ယဉ်ကျေးမှုအကများဖြင့် တင်ဆက်ဖျော်ဖြေသွားပါသည်။ အခမ်းအနားကို ညနေ ၆း၀၀ နာရီတွင် စတင်ကျင်းပပြုလုပ်ကာ ညနေ ၉း၀၀ နာရီတွင် အခမ်းအနားပြီးဆုံးခဲ့ပြီး အုန်းထမင်း ကြက်သားဖြင့် ဧည်ခံခဲ့ကြကြောင်း သိရှိရပါသည်။

သတင်းမှတ်တမ်း ။ PMNS-Japan

မှတ်တမ်းဓါတ်ပုံ ။ Moe Min Thu