လူသားချင်း စာနာတဲ့ ကူညီထောက်ပံ့ငွေ အမေရိကန် ၃ သန်း ဒီကနေ့ ပေးအပ်
အမေရိကန် ပြည်ထောင်စုကနေ မြန်မာနိုင်ငံကို လူသားချင်း စာနာတဲ့ ကူညီထောက်ပံ့ငွေ အမေရိကန် ၃ သန်း ဒီကနေ့ ပေးအပ်လိုက်ပါတယ်။
ဒီ ကူညီ ထောက်ပံ့ငွေကို USAID အဖွဲ့က တဆင့် ပေးအပ် သွားမှာ ဖြစ်တဲ့ အကြောင်းနဲ့ ဒီငွေတွေဟာ ပြည်တွင်းစစ်နဲ့ သဘာဝ ဘေးအန္တရာယ် တွေကြောင့် ဒုက္ခ ရောက်နေသူတွေ အတွက် ထောက်ပံ့ ကူညီတာ ဖြစ်ကြောင်း ရန်ကုန် အခြေစိုက် အမေရိကန် သံရုံးတာဝန်ခံ Micheal Thurston က ပြောပါတယ်။
ရန်ကုန်မြို့ အင်ယားလိပ် ဟိုတယ်မှာ ကျင်းပတဲ့ ဒီ အလှူငွေ ပေးအပ်ပွဲ အခမ်းအနားကို မြန်မာနိုင်ငံ အခြေစိုက် UNDP ရုံး ဌာနေ ကိုယ်စားလှယ် Ashok Nigam ၊ ကုလသမဂ္ဂ ရန်ကုန်ရုံး ဒါရိုက်တာ Barbara Manzi, သီတဂူ နိုင်ငံတကာ ဗုဒ္ဓ တက္ကသိုလ်က ဆရာတော် ဦးပညာသီဟနဲ့ ဦးဟန်တို့ တက်ရောက် ခဲ့ပါတယ်။
အမေရိကန် အစိုးရဟာ ရခိုင်နဲ့ ကချင် ပြည်နယ်မှာ ဖြစ်ပွားနေတဲ့ ပဋိပက္ခ တွေကြောင့် ဒုက္ခ ရောက်နေ သူတွေကိုလည်း ဒေါ်လာ ၁သန်းကို ပြီးခဲ့တဲ့ အပတ်က လှူဒါန်းခဲ့ပါသေးတယ်။
0 件のコメント:
コメントを投稿