Description Description Description Description Description Description Description Description Description Description ဒီမိုကရေစီ ရရှိရေးအတွက် ပူပေါင်းဆောင်ရွက်ကြဆို့  ကရင်တိုင်ရင်သား နှင့် မြန်မာနိုင်ငံသား တိုင်းရင်းသား သွေးချင်းတို့ 

2011/09/13

ခမရ ၂၀၄ နှင့် ဒီကေဘီအေတိုက်ပွဲဖြစ်

images1
စက်တင်ဘာလ 12 ရက် 2011 ခုနှစ် ။
ယမန်နေ့နေ့လည် (၁၁)နာရီ အချိန်တွင် ဒီကေဘီ အေ ၊ ရခိုင်လွတ်မြောက်တပ်ဖွဲ့နှင့် ABSDF ကျောင်း သား တပ်မတော်တို့ ပူးပေါင်း ထားသော တပ်ဖွဲ့က ကရင်ပြည်နယ်၊ မြ၀တီမြို့ နယ်ထီးပေါ် ပိုးကျေးရွာဖက်၌ လှုပ်ရှား နေသောတပ်မ(၂၂) လက်အောက်ခံ ခမရ (၂၀၄) တပ် ဖွဲ့ တချို့ နှင့် နှစ်ကြိမ် တိုက်ပွဲ ဖြစ်ပွားခဲ့သည်ဟု ဒီကေဘီအေ ပြောခွင့် ရသူ ဗိုလ်မှူး စန်း အောင်က ပြောပါသည်။
ပထမအကြိမ်တွင် (၁၅) မိနစ် ဖြစ်ပွား ခဲ့ပြီး ညနေ (၅) လောက် တွင် နောက်ထပ် တကြိမ် (၁၅)မိနစ် ဖြစ်ပွားခဲ့ ပြီး ထိခိုက် ကျဆုံးမှု မသိရှိရသေးပေ။ ခမရ(၂၀၄) တပ်ဖွဲ့ များသည်၊ တိုက်ပွဲ ဖြစ်ပွားစဉ်တွင် ထီးပါပိုး ရွာထဲသို့  လက်နက်ကြီး(၅)လုံး ပစ်သွင်းခဲ့သည်ဟု ဒီကေဘီ အေဖက်က ဆိုပါသည်။
ထီးပါပိုးရွာ ဘုန်းကြီးကျောင်း၌ ဖြစ်ပွားသော တိုက်ပွဲတွင် ဒီကေဘီအေ တပ်မှူး ဗိုလ်ကြီး မင်းဇော်ဦးက ဦးဆောင်ပြီး ထီးပါးပိုး သုံးအိမ်စု ရွာ၌ ဖြစ်ပွားသော တိုက်ပွဲတွင် ဒီကေဘီအေ (၉၀၉) တပ်ရင်းမှူး ဗိုလ်မှူး အဲ့ဖိုးက ဦးဆောင်ခဲ့ပါသည်။
“အခုဖြစ်တဲ့ ရွာတွေဟာ ဟိုးဒီကေဘီအေ စဖွဲ့တုန်းက တည်ထားတဲ့ ရွာတွေပါ။ အိမ်ခြေတော့ သိပ်မများပါဘူး။ နအဖ တပ် တွေက ဖြစ်ဖြစ်ချင်းကို ရွာထဲကို လက်နက်ကြီးနဲ့ ပစ်လိုက်တာပါဘဲ ။ ဒါပေမဲ့ လူအထိအခိုက်တော့ မကြားပါဘူး။ ကျနော်တို့ကတော့ ပူးပေါင်း စစ်ဆင်သွားမှာပါ။ အခုဆိုရင် ပိုပြီး အားရှိလာတယ်လေ၊ တခြား ဒီမိုကရေစီ အင်အားစုတွေနဲ့ ပို ပြီး လက်တွဲသွားဖို့ ရှိပါတယ်လို့”
 ဗိုလ်မှူးစန်းအောင်က ဆိုပါသည်။ ဗိုလ်မှူးချုပ် စောလာဖွယ် ဦးဆောင်သော ဒီကေဘီအေ တပ်ဖွဲ့များသည်၊ ကရင်ပြည်နယ်၊ ကြာအင်းဆိပ်ကြီးမြို့ နယ်၊ကော့ ကရိတ်မြို့ နယ်နှင့် မြ၀တီမြို့ နယ်များတွင် စစ်ရေးအရ ပိုမို လှုပ်ရှား လာနေပြီး၊ ကေအန်ယူ တပ်များ နှင့်လည်းကောင်း၊ (ABSDF) ကျောင်းသား တပ်မတော်နှင့် ရခိုင်ပြည်လွတ်မြောက်ရေး တပ်ဖွဲ့တို့နှင့်လည်း ပူးပေါင်း တိုက်ပွဲ ၀င်လာ နေခဲ့ပါသည်။
 အလားတူ BGF ဟုခေါ်သည့် အစိုးရနယ်ခြားစောင့်ကနေ ခွဲထွက်လာခဲ့သည့် ဗိုလ်မှူးကျော်ဘိတို့ အဖွဲ့ နှင့်လည်း ပူးပေါင်းဆောင်ရွက်နေပါသည်။ ဗိုလ်မှူးချုပ် စောလာဖွယ် ဦးဆောင်သော ဒီကေဘီအေတပ်ဖွဲ့ များသည်၊ စစ်အစိုးရ၏ ၂၀၁၀ ရွေးကောက်ပွဲအပြီး၊ ရွေး ကောက်ပွဲရလာဒ်ကို မကျေနပ်သဖြင့် စစ်အစိုးရကို ပြန်လည်တိုက်ခိုက် လာခဲ့သည်ဟု ထုတ်ပြန်ထားသလို စစ်အစိုးရ၏ နယ်ခြားစောင့်တပ် အစီစဉ်ကိုလည်း လက်မခံနိုင်သည့် အဖွဲ့ဖြစ်ပါသည်။
သတင်းရင်းမြစ် - ရွှေဟင်္သာ သတင်းဌာန

0 件のコメント:

コメントを投稿