Description Description Description Description Description Description Description Description Description Description ဒီမိုကရေစီ ရရှိရေးအတွက် ပူပေါင်းဆောင်ရွက်ကြဆို့  ကရင်တိုင်ရင်သား နှင့် မြန်မာနိုင်ငံသား တိုင်းရင်းသား သွေးချင်းတို့ 

2012/03/05

TNLA,KIA,SSA တို့ပူးပေါင်းပြီး မြန်မာတပ်ရင်း(၁၃၀)အား မိုင်းခွဲတိုက်ခိုက်

၂၀၁၂ခုနှစ်၊ မတ်လ (၂) ရက်နေ့ ညနေ-၄နာရီ အချိန်တွင် မန်တုံ အခြေစိုက် ခလရတပ်ရင်း(၁၃၀)မှ မိုးမိတ်သို့ စစ်ကြောင်း ထိုးနေစဉ် မိုင်းခွဲ တိုက်ခိုက်ခံခဲ့ရပြီး တပ်ရင်းမှူး ဒဏ်ရာအပြင်းအထန် ရရှိသွားသည့် အပြင် တပ်သား တော်တော်များများ ဒဏ်ရာ ရရှိသွားကြောင်း သိရှိရသည်။
''ကျတော်တို့ တအာင်းအမျိုးသား လွပ်မြောက်ရေးတပ်မတော်-TNLAနှင့် KIA,SSA တို့ကနေ ပူးပေါင်း ပြီးတိုက် တာဖြစ်တယ်၊ မန်တုံနှင့် မိုးမိတ် အကြားမှာရှိတဲ့ မိုးနွယ်ရွာလေးမှာ သူတို့ ကား နှစ်စီးနဲ့ လာနေစဉ်မှာ မိုင်းခွဲ တိုက်တာ ဖြစ်တယ်။ တပ်ရင်းမှူး အပါဝင် တပ်သား ၁၀-ဦး ကျော်က ဒဏ်ရာ အပြင်းအထန် ရရှိပြီးတော့ ၂-ဦးကတော့ ပွဲချင်းပြီး သေဆုံးသွားတယ်''ဟု(တအာင်း အမျိုးသားလွတ်မြောက်ရေး တပ်မတော်) TNLAမှ တာဝန်ရှိသူ တစ်ဦး က ဆိုပါသည်။
...
ဒဏ်ရာ အပြင်းထန် ရရှိသောတပ်ရင်းမှူးကို ဟယ်ရီကော်ပီတာဖြင့် လာရောက် သယ်ဆောင်သွားကြောင်း မျက်မြင် သက်သေကပြောဆိုပြီး ဘယ်နေရာကို သယ်ဆောင်သွားသည်ကိုအတိကျ မသိသော်လည်း လားရှိုး တပ်မတော် ဆေးရုံကို ပို့ဆောင်လိုက်တာ ဖြစ်နိုင်ကြောင်းလည်း သူကပြောဆိုသွားပါသည်။

''အခု (ပလောင်ကိုယ်ပိုင် အုပ်ချုပ်ရဒေသ) မန်တုံမြို့မှာ လုံခြုံရေး လုံးဝကို တင်းကြပ်နေတယ်၊ တမြို့လုံး စစ်သားတွေနဲ့ စိမ်းနေတာပဲ ဟိုဘက်သွားလိုက် ဒီဘက်သွားလိုက်နဲ့ မြို့ထဲကို ၀င်လာတဲ့ လူစိမ်းတွေကို လည်း ပေါက်ပေါက်စေ့စေ့ကို စစ်ဆေး မေးမြန်းနေတယ်၊ အခြေအနေတွေကို ပိုရှုပ်လာမည့် သဘောရှိမယ် ထင်တယ်ဗျာ'' မန်တုံ ဒေသခံတစ်ဦးမှ ပြောဆိုသည်။

မြန်မာစစ်ကြောင်း လွယ်ယားဘက်သို့ ကားနှစ်စီး ဆင်းသွားစဉ် မိုးနွယ်ရွာ၁၂-မိုင်တွင် တိုက်ခိုက်ခံရပြီး တပ်ရင်းမှူး၏ ညာလက်ရုံးဖြစ်သူ သုံးပွင့်ဗိုလ်ကြီး ၁ ဦး ကျဆုံးသွားကြောင်း နှင့်လက်ရှိ မန်တုံဆေးရုံ တွင် တပ်သား ၃-ဦး ဆေးဝါး ကုသမှု ခံယူနေရကြောင်းလည်း ဆေးရုံ ၀န်ထမ်းတစ်ဦး၏ ပြောဆိုချက်အရ သိရ သည်။

မန်တုံဒေသ အတွင်းစစ်ရေး လှုပ်ရှားမှုများ နှစ်(၂၀)ကျော်တွင်း ပြန်လည် ထကြွပြီး ဒေသမတည်ငြိမ်မှုမှာ ပိုမို စိုးရိမ်ရသည့် အနေအထား ရောက်ရှိနေပြီး ယခုလို တပ်ရင်းမှူးကြီး ဒဏ်ရာရရှိ သွားသည့် အတွက် ပြဿနာ ပိုကြီးမားလာမည်ကို ဒေသခံပြည်သူများ တထိတ်တလန့် ဖြစ်နေကြောင်း သိရှိရသည်။

သတင်းနှင့်သုတေသနာဌာန
တအာင်းကျောင်းသားနှင့်လူငယ်များအစည်းအရုံး

0 件のコメント:

コメントを投稿