DKBA ၏ ပြုပြင်ပြောင်းလဲရေး ညီလာခံပြီးဆုံး
ဗိုလ်ချုပ် စောလားပွယ် ဦးဆောင်သည့် တိုးတက်သော ဗုဒ္ဓဘာသာ ကရင် အမျိုးသား
တပ်မတော် (DKBA) အဖွဲ့သည်၊ စစ်တပ် အဖွဲ့အစည်း ပုံစံမှ နိုင်ငံရေး အဖွဲ့
အစည်း ပုံစံသို့ ပြောင်းလဲရန်၊ ညီလာခံ တရပ်ကို ပြီးခဲ့သည့် ဧပြီလ တရက်မှ
စတင်ပြီး ၂ရက်နေ့တွင် ပြီးဆုံး သွားပါသည်။
ပြောင်းလဲလိုက်သော အဖွဲ့အစည်းနာမည်မှာ ကလို့ထူးဘော ကရင်အမျိုးသား
အစည်းအရုံး (Klohhtoobor Karen Organization) ဖြစ်ပါသည်။ အဖွဲ့အစည်း၏
အဆင့်ဆင့် ဖွဲ့စည်းပုံကို မဲစနစ်ဖြင့် ရွေးချယ်ရာ၊ ဥက္ကဌအဖြစ် မန်းရောဘတ်ဇန်
(ဖူးကီးဒို) ဒု-ဥက္ကဌ စောမိုရှေး၊ အထွေထွေအတွင်းရေးမှူး စောဂုဏ်အောင်၊
တွဲဘက် အတွင်းရေးမှူး (၁) နော်ကော်သူးလေလားဖော၊ တွဲဘက် အတွင်းရေးမှူး (၂)
စောလုံ့လုံ တို့ကို ရွေးကောက်တင်မြှောက်ခဲ့ကြသည်။
အစည်းအဝေး တက်ရောက်သူများ (ဓါတ်ပုံ - DKBA)
ဗိုလ်ချုပ် စောလားပွယ်မှာ KKO အဖွဲ့၏ စစ်ဦးစီးချုပ် အဖြစ်
တာဝန်ယူမည်ဖြစ်သည်။ ယခု ရွေးချယ်လိုက်သော ကလို့ထူးဘော ကရင်အမျိုးသား
အစည်းအရုံး ဥက္ကဌသည်၊ KNU တပ်ရင်းမှူးဟောင်း တဦးဖြစ်ပြီး၊ KNU ဥက္ကဌဟောင်း
မန်းဘဇံ၏ သားလည်း ဖြစ်ပါသည်။ KKO သည်၊ အောက်ပါ ဌာများနှင့်
ဖွဲ့စည်းထားပါသည်။
(က) ကာကွယ်ရေး ဌာန၊ (ခ) နိုင်ငံခြားရေးဌာန၊ (ဂ) ကျန်းမာရေးဌာနနှင့်
စီးးပွားရေးဌာန၊ ပညာရေးဌာန အပါအအ၀င် ဌာန ၁၂ ခုနှင့် ဖွဲ့စည်းထားပါသည်။
ညီလာခံကို ကရင်ပြည်နယ် မြ၀တီခရိုင် ဆုံဆည်းမြိုင် ဒီကေဘီအေ ဌာနချုပ်တွင်
ကျင်းပပြီး လူပေါင်း (၄၀၀) ကျော်တက် ရောက်ခဲ့သည်ဟု ပြောခွင့်ရသူ
ဗိုလ်မှူးဆန်းအောင်က ဆိုပါသည်။ တက်ရောက် သူများမှာ KNU ဒူးပလာယား ခရိုင်မှ
ကော့ကရိတ်မြို့နယ်၊ ကြာအင်းဆိပ်ကြီးမြို့နယ်၊ မြိုင်ကြီးငူနှင့်
ကျုံဒိုးဒေသများမှ ဖြစ်ပါသည်။
ပြည်ထောင်စု မြန်မာနိုင်ငံ အမျိုးသားကောင်စီ ခေါင်းဆောင်များ၊ KNU
တပ်မှူးများ၊ ခရစ်ယာန်နှင့် ဗုဒ္ဓဘာသာဝင်များမှ ဘာသာရေးခေါင်ဆောင်များ
၊ကရင်ငြိမ်းချမ်းရေး ကောင်စီဝင် ခေါင်းဆောင် များလည်း၊ တက်ရောက်ကြပါသည်။
ဒီကေဘီအေ ခေါ် (KKO)သည်၊ ကရင် တမျိုးသားလုံး သွေးစည်း ညီညွတ်ရေးအတွက်
ဦးတည်ကြောင်း၊ ကရင့် နိုင်ငံရေး လုပ်ငန်းစဉ်၌ ပါဝင်နိုင်ရန် နိုင်ငံရေး
အဖွဲ့အစည်းတရပ် ဖွဲ့စည်းခြင်းဖြစ်ကြောင်း၊ (KKO) မှ ချမှတ် ထားသော သဘောထား
လမ်းစဉ်များကိုလည်း လူထု ဆန္ဒခံယူမည် ဖြစ်ကြောင်း၊ စသည့်
ဆုံးဖြတ်ချက်များကို ချမှတ်ခဲ့သည်ဟု ပြောရေး ဆိုခွင့်ရှိသူ ဗိုလ်မှူး
ဆန်းအောင်က ဆိုပါသည်။
ဒီကေဘီအေသည်၊ ၂၀၁၂ ခုနှစ် ဇန္နာဝါရီလတွင်၊ အစိုးရနှင့် အပစ်အခတ်
ရပ်စဲခဲ့ပါသည်။ ၄င်းတို့သည်၊ အစိုးရ၏နယ်ခြား စောင့်တပ် အစီစဉ်ကို လက်မခံရာက
၂၀၁၀ ခုနှစ် နိုဝင်ဘာလတွင် ပြန်လည် တိုက်ခိုက်ခဲ့ပါသည်။ DKBA သည်
အစိုးရနှင့် အပစ်ရပ်ပြီး နောက်ပိုင်းမှာလည်း အစိုးရ၏ နယ်ခြား
စောင့်တပ်နှင့် လက်နက် သိမ်းဆည်းရေး ပဋ္ဋိပက္ခ ဖြစ်ပွားခဲ့ပါသည်။
Copy from - phophtaw
0 件のコメント:
コメントを投稿